姐死姐還在：啟動真皮層同共生循環系統，重建膚質，延續水潤彈滑~
《去美容院就好似單人匹馬去印度旅行一樣，需要好大勇氣》
我經常都話去美容院就好似單人匹馬去印度旅行一樣，需要好大勇氣，真係次次都好驚俾人瘋狂sell你美容package，其次，其實我好介意美容師講「你唔好介意呀吓…」，點評我嘅肌膚狀況有幾咁「末期」而其實佢地講得好主觀，只係憑佢望住我然後喺塊鏡前面指手畫腳，有時候真的覺得無乜說服力。
但去到「post十八廿二」年紀，單靠日日不停批盪化妝， 敷mask 同搽高級serum，效果已經唔係太顯著，你就算日日起勢喺屋企導出導入，都唔及去一次美容院做機。原因係你嘅皮膚已經對高級護膚品純咗，就好似你飲咖啡，初頭飲個cappuccino都精神為之一振，後期你淨飲齋啡 喺office都依然好似癮君子咁眼瞓。
好多八婆朋友都會不停咁推介你做唔同嘅美容院，大多數嘅導出導入都係清除皮膚嘅污糟嘢，之後就不停用個轆喺你塊面上面，好似拖地咁碌嚟碌去，將精華滲入去皮膚。做完嗰日的確係迴光反照容光煥發，但做完第二日又即刻返回現實，進入做咗等於無做嘅狀態。
上個星期去咗CLINICZ做水原共生嘅療程…係啦，係廣告，大家就睇下個廣告有幾廣告…..
就係嗰間 Janice Man做代言嘅CLINICZ，佢個療程都係sell標榜 激活膠原同增加肌膚嘅水分，我自己聽到，都有「又係呢啲」嘅感覺。成個試做係咁嘅， 首先要行入一個好似 TVB 尋秦記古天樂返去秦朝嘅時間錦囊入面，果舊叫720皮膚紋理及輪廓分析系統 (720 Scan Genius)，然後儀器就會 360 度咁轉你，係啦，exactly 就係當年鄧一君 轉 古天樂去秦朝一樣，720 Scan Genius 突破性將最新 VR 拍攝原理應用於輪廓測量及記錄上，利用光學線點定位，會360度偵測你嘅皮膚同輪廓狀況，精確辨識可提升空間；再配合皮膚紋理顯影測試分析皮膚狀況，徹底了解肌膚問題。
之後就做三個step，激活膠原，注入高濃度水份因子，係將營養液直滲肌底。
咁講好行嘅，我換個講法啦，第一就係摑醒你啲膠原，我都知個人老咗，我啲肌膚膠原係好似 sleeping beauty 咁爛瞓，所以要摑醒佢先。
點摑醒啲膠原？人地就用 HIFU ，佢呢度就做 MDS。 MDS 嘅能量均勻地激活真皮層至筋膜層之間的「膠原層」，集中激活膠原蛋白。獨有 「觸感紓緩科技」(Sense Concealing Technology)，將能量平均分佈於「膠原層」，過程無痛舒適，唔會好似 HIFU 咁痛到喊。最重要同時深度提拉輪廓，令皮膚回復緊緻彈性，咁先可以令老咗嘅皮膚回春。
摑醒啲膠原之後，就要泵水咁泵返漲啲皮膚。佢個泵堅喎！有醫學級科技 PTLI 精確偵測細胞壁膜開合節奏，抓緊吸收力的黃金時刻，係細胞膜打開一瞬，注入SR140 肌膚重建元素中的高濃度水份因子，即時為細胞注水。唔係注入皮膚咁簡單，係注入細胞膜！細胞膜！細胞膜！（重要的事情講三次！）
咁樣先可以孕育膠原於最理想的共生環境中，滋養膠原再生。咁個 treatment先唔會做咗等於無做！
最後就係將營養液推入皮膚，所謂營養液係經過嚴選嘅珍罕生長因子、肽因子、修復因子同抗氧化分子而成。呢啲營養液會啟動真皮層同共生循環系統，重建膚質，延續水潤、彈滑、緊緻效果，同時令毛孔細緻、撫平皺紋，達至唔好咁巢同唔好咁「the 」嘅狀態。
做完一次有咩效？
佢係話做四次可以 keep 兩年，我做完一次 90 分鐘 3個step 嘅療程，即時梗係感覺良好啦，但我恐防佢又好似平時咁只有迴光反照，曇花一現嘅效果，我再觀察咗成個星期，係滑咗，同埋平時搽野會出現「好索」嘅感覺，I mean 啲精華好易索入去，至於有無達至無咁巢無咁「the 」嘅效果？我一向都唔巢唔「the 」，但的確塊面係無咁腫。整體上係高質嘅 treatment，係同平時有分別嘅，都真係值得一試。想試，就 click 呢度啦：https://goo.gl/3HdT1x。
(圖為360度尋秦記皮膚輪廓偵察機)